曹仁超文集-第437部分
按键盘上方向键 ← 或 → 可快速上下翻页，按键盘上的 Enter 键可回到本书目录页，按键盘上方向键 ↑ 可回到本页顶部！
————未阅读完？加入书签已便下次继续阅读！
挡恢绾问呛谩Ｃ看谓鹑谖；螅计苹祬胁撞鷨聘唬戳罡徽吒弧�1997年7月如此、2000年3月系咁，今年5月亦一样。
今天失业率的确好低，但薪金亦同样地低。至于高薪工作岗位，似乎喺香港消失咗。
TIPS债券（Treasury Inflation Protected Securities Bond）已回落。代表未来通胀压力下降中。十年期TIPS债券孳息率一度由二厘○五升至二厘五一今天又跌至一厘九九。可惜联储局唔会睇呢D数据，只睇CPI（及核心CPI）呢类数字，真系担心贝南奇将利率推得太高而伤及中产阶级。此乃制度上p@｝缺陷，好无奈。希望日后联储局官员多D前瞻性、少D睇落后数据，有助改善日后加息/减息决定。
恒指15200点重建基础
如睇TIPS债券，恒指喺15200点水平开始重建基础。
研究股市几时反弹，系好浪费时间嘅行为。走势分析最大缺点系“如果咁、就咁”。有D形态分析好有用，因为系反映群众情绪，透过猜测群众反应去预测股价变化。随着走势分析普及，群众情绪再唔似从前咁，令走势陷阱一再出现。其中比较可靠只余下上升轨、头肩顶呢类最基本嘅趋势线。最高出错率喺RSI方面，其可信性已渐渐下降（因太多人使用）。例如今年4月股市先急升、5月开始便急挫，而且成交急增，令唔少人措手不及。唔少基金经理只有抛售期指套住既得利润。如此一来便加速股市下跌速度。抛售高潮喺6月13日完成，基金经理便将抛空期指平仓，引发上周尾股市反弹。进入今周，相信为6月结做橱窗粉饰，有D股份继续沽售，有D股份增加持有量，形成个别发展，后市喺15200至16000点上落【图】。换言之，本周开始部分股份已出现抗跌力，亦有部分股份继续回落。一般人喺上述环境下都系少做少错、唔做唔错，到7月3日再算，到时或有似样反弹亦唔奇。
日本十年期债券孳息率升上一厘八四八，距离七年高点即今年5月15日嘅二厘○一仲差DD，主因系日本央行行长福井俊彦暗示零利率政策不久将来会取消。估计年底前日圆利率见半厘，即下半年日本有两次加息机会。日本政府系美元债券最大持有者，共持有六千三百九十二亿美元（中国只持有三千二百三十亿美元）。日本政府喺2004年8月持有六千九百九十亿美元债券，其后曾一度减持，一直冇再增持美元债券。2004年8月至今美元债券利率升幅有限，有赖中国政府长期吸纳。今年下半年日本抽紧银根。代表日本政府喺可见将来都唔会增持美元债券；至于中国，恐怕吸纳美元债券嘅胃口亦在下降中。换言之，美国长息恐怕进入上升周期！
浮动利率贷款（Adjustable…rate…mortgages，ARMS）唔同固定利率贷款，利率随时可调整。2003年6月美国三十年期息率六厘五四，ARMS三厘七六，因此买楼者都选用ARMS而唔用固定利率贷款。今年5月三十年期固定利率贷款只系六厘六，较2003年六厘五四微升；但ARMs已见五厘六三。估计未来六个月将有一万亿美元ARMs贷款面对利率高于固定利率贷款，估计唔少美国房屋贷款者将由ARMs转为固定利率。对未来美国楼市影响会点？
今日宠儿明日弃婴
贝南奇返工已超过四个月，蜜月期早喺今年5月10日结束。通胀率上升、经济增长率放缓，有大量格蛇留下嘅苏州屎要清理。贝南奇系通胀目标派，为将CPI升幅局限1至2％，利率要有几高？佢明白今天一再加息，经济亦只会放缓增长而唔会衰退，同时可获得通胀战士嘅美名（上述由格蛇用十八年半时间建立），有人会因经济增长率放缓而怪贝南奇；反之，如通胀率升幅恶化，却会算喺佢头上。换言之，贝南奇过度加息嘅诱因好大。6月5日贝南奇演说时话：佢会不惜一切去压制通胀率。各位宜小心。今年首五个月美国CPI升幅已达5。2％，核心通胀率升幅3。2％。假设利率升至五厘半或以上，即利率高于核心通胀率二厘或以上，通胀率可渐受控制，但经济增长便放缓。假设利率只见五厘二五，又担心未够力阻止通胀率上升。换言之，8月8日系咪加息？好考功夫。
如果你一如我老曹喺股票市场打滚三十八年，便知道今天嘅宠儿随时成为明天嘅弃婴呢个道理。有D宠儿可维持好耐（例如数年）。有D只维持几个月。作为分析员，就系喺商品（或股票）未成宠儿前将佢搵出嚟，喺它未成弃婴前放弃。油价过去六年上升六倍、铜价过去三年上升四倍，都为事先已投资能源股及铜矿股者带嚟巨大利润。铜有机会变成弃婴，至于油价仍在顽强抵抗。2000年3月警察“吹鸡”开始拉“互联网小贩”；走得快好世界，冇走到者就系咁先。今年5月警察又再“吹鸡”，呢次所拉嘅对象改为商品股。亦系走得快好世界，唔肯走者已被绑住，无法脱身。谁又系明天嘅宠儿？谁又系明天嘅弃婴？情况有如钓鱼，有人大有收获，有人一无所得。
科技与贸易改变咗全世界。过去人类日出而作、日入而息，所谓循环周期系指春夏秋冬，好有秩序。今天经济周期复杂好多，同时亦长好多。1960年起工业周期改变咗珠三角洲嘅面貌、1990年起再改变长三角嘅面貌，原材料需求2000年起又改变咗澳洲、加拿大、俄罗斯及巴西。油价上升曾令七十年代中东面貌全面改变；八十年代及九十年代油价回落，又令中东国家出现经济困难；2000年起中东国家又再意气风发，今年5月起原材料价格回落系咪另一退潮？
中国将减少进口铁矿石
铁矿石谈判中，中方输咗，决定接受主要生产商必和必拓（BHP）公司所提出嘅价格，较上年度上升19％。睇嚟中方喺谈判中仍无法行使话事权。虽然铁矿石涨价19％，但钢价相信升幅唔大，令钢铁企业利润出现大幅下降。加价19％后，中国钢企须为呢次涨价多付六十亿至七十亿美元，明年多付一百亿元。
铁钢石每吨涨价19％（约七至八美元），同期运费下降八至十美元，对钢厂而言成本可以拉平。依家中国钢厂平均吨钢利润只有一百五十元人民币，未来中国钢铁厂只有继续薄利多销。铁矿石加价19％后，进口价已同中国现货价基本上一致（现货价格去年12月至今下降5。35％），估计进口量会减少；今年1月中国进口二千六百五十八万吨，5月已降至二千四百五十七万吨，相信下半年进一步减少。去年铁矿石涨价71。5％，已令中国钢铁业多付三百九十七亿元人民币。中国嘅问题系：产能过剩、能源紧张。包括钢铁业在内已出现明显过剩，导致整个行业利润继续下降。能源价格今年升幅已超过15％，睇嚟中国至今未有妥善方法。
经济与政治通常手牵手。当政治出问题之时，经济必然走下坡，反之亦然。1991至2003年到底系经济影响特区政府抑或政治影响香港经济？人们心中有数。经济盛衰50％受外在因素影响，50％系本土因素。1997至2003年香港可以讲外在因素同内在因素都不利，类似情况日后应唔会再重演。
根据美林证券资料，去年全球拥有一百万美元以上资金（唔计自住物业）嘅人数八百七十万人，较1996年四百五十万人上升近倍。其中升幅最快系中东地区，增加三十万人。拥有三千万美元以上者全球人口八万五千四百人，其中65％有投资新兴市场，30％有海外置业。
北美洲百万富翁人数二百九十万、欧洲二百八十万、亚洲二百四十万、拉丁美洲三十万、非洲十万。世界过去十年的确富者愈富，至于系咪同时贫者愈贫便木宰羊。
SUNDAY （866）、电盈停牌。
信用卡防盗（1051） 6月22日改名智富能源。
■明报企业（685）、万华媒体（426） 6月30日；维他奶（345） 7月6日公布业绩。
曹仁超
PDF原文：
原序号：559序号：
9
标题：
散户唯有二仔底
来源：
信报
发布日期：
2006…06…23
全文：
6月22日，周四。恒指升167。43，收15826。70；成交二百三十六亿四千五百多万元。6月期指高水，升208点，收15832点。后市展望，相信恒指仍在框框内上落，起码在下周三联储局开会前仍然系咁。
油价相信系令联储局成员寝食不安嘅因素。两星期前国会拉咗格蛇出嚟讲话，格蛇并唔担心消费问题甚至美国楼市，但最担心系油价，佢担心零售汽油价，不但令通胀率上升，同时吸走美国人嘅购买力。喺高利率压力下，各国经济增长率将放缓（最迟明年出现），环球负担高油价，结果不但影响经济增长，同时令美国贸赤恶化，影响市场对美元信心。例如美国汽车销量去年已走下坡，估计今年第四季GDP增长放缓，并因石油入口而令贸赤恶化。
美国原油储存已达八年高水平，6月16日止存量三亿四千七百一十万桶，系1998年5月29日以来新高，但油价上升轨至今仍十分完整。
利率上升直至油价受控
从格蛇两周前嘅讲话，相信联储局将致力扭转上述趋势。何况5月份通胀率4。2％（核心通胀率2。4％）【图一】，相信呢次利率上升周期要到油价受控制为止。
国航（753）以三十二亿三千万元将中航兴业（1110）私有化，每股出价二元八角，以增持国泰（293）；国航已持有68％中航兴业，中航以手上港龙股权交换国泰航空7。3％股权。国航将中航兴业私有化后，除增持国泰外，同时亦占澳门航空51％；另一方面，国泰亦增持国航，由10％上升到20％。
大摩今天提升东航（670）评级，由underweight升至equal weight，亦唔排除外国航空公司趁东方航空股价偏低而入股，外传新加坡航空公司已表示有上述意思，去年1月至今东航股价回落37％，理由包括高油价及激烈竞争。此外，该行同时提升南方航空（1055）评级，亦由underweight至equal weight，理由系今年内南方航空股价已失去四分一市值，以资产净值计，吸引力甚至超过东方航空。南航股价大跌理由系母公司喺股票市场输钱，而两位南方航空高层行政人员涉嫌利用公司资金从事上述投资，依家正等候起诉。航空股系咪否极泰来？仲未清楚。但过去几年内地航空股表现的确几令人失望。
电盈（008）股价再升9。6％，见五元七角，但开市七分钟后便再停牌；SUNDAY （866）升9。6％，见五角六仙后，开市九分钟后亦再停牌。公司将决定接受边个收购电盈手上电讯及now TV业务。
环球对冲基金控制嘅蚊年多达一万四千亿美元（上述未计佢地嘅借贷能力），由此可见佢地睇好或睇淡所产生嘅volatility。香港任何一只二线股只要被其中一两只基金娣中，股价可以升到你唔信；反之，一旦由宠儿变为弃婴，股价亦可以跌到七个一皮。如果唔学习佢地嘅语言而盲目投资，随时喺股市浴血。例如5月8日至6月13日佢地嘅unwind行动，令港股好似整个塌下来；散户力量相对于对冲基金实在太渺小了！散户投资策略睇落只有〃二仔底〃（死跟），当佢地抛售股份时最好避开、佢地吸纳股份时可以照跟，一旦佢地停止吸纳便沽出获利。
互惠基金晒士虽然较对冲基金大，但佢地唔系经常买卖股份（喺美国，互惠基金只占总成交15％，对冲基金却占70％，散户占15％）。香港散户买卖占大市总成交比重虽然已下降，但同美国比仍算偏高。互惠基金对市场嘅影响力在于中长线，唔似对冲基金一旦抛售，可令恒指喺五星期内回落12％。
抛售系咪喺6月13日完成？通常需要事后而非事前可知。由5月8日恒指17328点回落到6月13日15204点，跌幅达12。25％，唔少投资者已感觉到痛，大市开始派止痛饼。6月结在即，做D橱窗粉饰，相信6月29日加息四分一厘已在股市反映。2003年3月开始上升嘅领袖股（例如资源股）已变得太昂贵，需要抖一抖，新嘅股市领袖相信好快出现。喺新旧领袖交替期，股市只有炒上炒落。投资者情绪由5月初睇恒指破18000点改为6月中担心恒指跌至13000点，可见香港一般〃分析员〃慨水准如何！做分析，首先要戒便系瞎猜，而要追随趋势；不要悲观亦不要乐观，因为睇好睇淡都只系主观愿望。股市出现超买便要回、超卖便要反弹；留意牛/熊比率（bull/bear ratio），避免自己情绪过分受市场气氛影响而偏淡或偏好。生活要感性，但投资要理性。
根据三线分析法，去年10月至今美股罗素二千指数（代表整个股市）第三条上升轨支持点喺675点【图二】。如此
