曹仁超文集-第275部分
按键盘上方向键 ← 或 → 可快速上下翻页，按键盘上的 Enter 键可回到本书目录页，按键盘上方向键 ↑ 可回到本页顶部！
————未阅读完？加入书签已便下次继续阅读！
但中国人行连人民币升值10％都唔容许，所谓加息只系摆姿态而已。
建造股十年唔发市
中国经济过热，将刺激香港GDP今年及明年上升6％（之前估计系5。5％及5。7％）。随着香港失业率回落到6月份嘅4。2％ （2003年高峰期系8。5％），开始刺激工资上升（唔少金融服务员转工都获10％至35％加幅），即香港开始进入加薪潮。最近公务员获加薪5％，开始代表过去嘅冻薪期结束，加薪期去年开始，今年进一步上升。喺薪金上升刺激下，未来香港CPI升幅将加快。同内地唔同，本港至今仍有实质利率二厘，一旦CPI加快上升而港元利率唔升嘅话，对投资市场影响如何？值得思考。另一方面，香港经济完成转型，因此获大幅加薪嘅只系嗰D高技术劳工（尤其系金融服务业）。政府必须加快吸引呢方面嘅外地专才去满足金融服务业需要，不然未来金融服务业薪金将作三级跳。
由于人民币加息，日圆进一步回落，见122。29兑1美元。日圆响7月13日见168。95兑1欧罗，7月18日见250。53兑1英镑，系1992年7月以来最低；最近见107。58兑1澳元，亦系1991年以来最低。外传下周公布嘅日本CPI（唔包括食物及能源）又再回落，可能阻止日本银行8月加息。短期而言，日本继续担任资金提供者嘅角色。
香港6月份CPI上升1。3％ （5月份1。2％），仍然相当低，即本港通胀压力唔大，因为食品价格占本港CPI比重唔高。
去年美国用去全球24％石油，中国只用去9％，谁对油价嘅影响力较大？
和味嘅投资利润，来自大部分人睇唔起嘅投资，例如如2001年嘅资源股、2005年嘅造船股、2006年嘅内地航空股及金融股。今天最被人睇唔起系边类股份？答案系建造股，已衰足十年，例如有利集团（406）。随着政府添马舰总部决定兴建及西九极可能明年上马，建筑股会否开始衰极而盛？今年7月起，基于CEPA条件，内地政府批准本港建筑公司可承接内地土木工程，对本港建筑公司而言，系咪守得云开见月明，十年唔发市，发市当十年？
唔好陷入竞猜游戏
当一个牛市出现较大调整，例如2006年5月28日，恒指由17328点回落到2006年6月13日15204点，跌幅12。25％后，唔少人担心〃牛市已死〃而抛售。其后因客观经济环境改善，再次引发股市升势，便出现去年6月开始至今超过一年嘅反覆上升市，呢类升市通常可维持一年甚至两年仍系牛熊争霸，投资者有时感觉似乎熊市来临，有时又感觉牛市当道。好多因素出现，令人相信熊市就快出现，又有许多因素令人相信牛市会延续，呢种心大心细嘅情况，形成一连串一浪高于一浪走势，即每一低点较上一低点高。老练投资者响呢段日子明白拣股唔炒市之道；历史尚浅嘅投资者被股市忽上忽落走势搞到眼花缭乱而心情烦躁。响呢段日子（去年6月起至今），股市响忧虑中上升，事前担心嘅事往往又可逢凶化吉（因客观经济环境仍在改善）。投资者响呢个时候宜分清楚何谓猜测（guesstimates）、何谓分析（analytical）。去年6月至今虽然大市反覆向上，但暗涌好多，一唔小心好易坑渠里翻船；做拣股者（stock…picker）并非想像中咁易。两项有用嘅工具，就系理性分析配合走势图。如理性分析与走势吻合，不妨继续揸落去；如分析同走势背驰便得小心，可能自己亦陷入竞猜游戏而不自知。好多时猜测同分析只系一线之差，猜中咗，同分析正确表面上好相似。例如1984年中英联合声明规限港英政府每年卖地五十公顷，分析界睇好香港房地产，同盲目睇好香港房地产者表面上冇分别（前者系基于理性分析，但反而唔及后者勇！）。不过，到咗1997年7月1日，两者便出现分别，前者因每年卖地五十公顷限制消失，根据理性分析要喺1997年7月1日前退出香港物业市场（或大量减持房地产项目）；后者基于盲目睇好香港楼市自然继续，一直揸到2003年第二季。前者实力保存，后者变成负资产。
A 股泡沫暂时唔使惊
2001年1月美元减息，迟早引发另一次货币泛滥（情况有如1989年5月美元减息，最终引发香港楼市股市泡沫）。呢一次面对货币泛滥嘅主要系中国唔系香港。美元泛滥令资源股同黄金可睇好，同时令资源货币如加元、澳元同纽元亦被睇好，上述系理性分析。美元由1989年5月减息到1997年8月本港楼市泡沫爆破，前后共八年。中国人民币2001年1月面对美元减息，会否喺2008年年底泡沫爆破？上述纯属猜测。本港金管局面对美元涌入，完全无能为力；但中国人行却做咗好多嘢，例如2005年7月起让人民币缓慢升值，以及提升存款储备金率甚至加息。
历史唔会重演，只有雷同。虽然今年上半年面对内地A股泡沫，我老曹认为唔使惊，但唔肯定中国经济泡沫系咪一定响2008年8月奥运完结后才爆破。唔同国家地方嘅泡沫发展过程虽然大同，但亦有小异，不能完全套用之，更何况中国有〃十一·五〃规划。至今为止，今年金价未高于去年嘅730美元，油价未高于去年嘅80美元，资源价格系咪寻顶？恒指喺1997年8月才见顶，但唔少个别股份早已响1994年1月见顶（唔少股份系走在指数之前）。1997年8月恒生指数见顶，但本港个别行业早己响1993年见顶。上述情况短期系咪会响内地出现？
1999年（或2001年）开始嘅原材料涨价潮，到底会继续落去抑或寻顶？2002年开始嘅美元回落潮到底会持续几耐？利率向上周期仍会将全球利率推高几多？油价会否突破去年高点80美元？金价能否破去年高位730美元？美国住宅楼价会否再跌20…30％？资讯科技会否再次改变世界？趋势不断形成，亦不断消失。喺趋势形成时加入，响趋势消失时离开。未来在形成中嘅趋势又会系乜嘢？
沿海家园（1124） 7月25日；中汽资源（729）、中民燃气（681）、中国科技（985）、台和商事（1037）、民丰控股（279）、Gay Giano （686）、锦兴集团（275）、德祥企业（372）、太平洋恩利（1174）、东方明珠创业（632）、泰德阳光（307）、佑威国际（627） 27日；奥玛仕（959）、中国地产（1838）、精优药业（858）、捷诚科技（987）、福茂（462）、Nam Tai EEP （2633）、东润拓展（467） 30日；创兴银行（1111）、廖创兴企业（194）8月9日；永亨银行（302）16日公布业绩。
曹仁超
PDF原文：
原序号：341序号：
41
标题：
秋官又成为话题
来源：
信报
发布日期：
2007…07…23
全文：
7月22日，周日。秋官嘅“丁蟹效应”似乎又发生作用。上周五亚视播《荣归》，收视率差唔多跳升100％，由3点升至5。5点。每逢秋官有新剧推出，股市都下跌，睇嚟周一港股亦逃不出“一跌”命运（上述只供茶余饭后讲笑之用，非正统分析也）。真正理由系美亚证券旗下两只次按债券基金吓死人，再加上美国进入公布第二季业绩期。
恒指二万三有排浮沉
Google及Caterpillar业绩未符预期；Google第一季业绩令人喜出望外，令投资界对其第二季业绩有过高要求，但希望愈大失望愈大，Google纯利较预期少，令周五股价跌5。2％，见520。12美元；CAT亦因上述理由，股价跌4。4％，见83。2美元。股价由公司业绩决定，香港亦一样；业绩较估计好者股价大升特升，业绩未达标者股价立即大幅回落冇面畀。点样喺bad market做一个good stock…picker？拣股唔炒市去年6月已开始，依家人人晓讲，但晓做者唔系咁多。
美国ABX指数今年1月至今跌幅已超过50％，代表次按问题仍在恶化；加上内地“双拳出击”，存贷利率上调0。27厘，以及8月15日起利息税由20％降至5％，流动资金泛滥情况渐受控制，过去由资金推动上升嘅恒指会否止于23000点附近？木宰羊。未来起码仲有一大段日子响呢个水平浮沉，最终还看内地CPI升幅下半年会受控制或系进一步恶化而定。一年期存款利率3。1635厘，系对抗不了CPI升幅4。4％嘅；但贷款利率已高出CPI升幅2厘，有一定压力，起码内地楼市热潮受压。
信置（083）宣布以41。38亿元投得成都地王，平均每方米3；390元人民币（315元人民币一尺），占地366。54亩，系成都十幅拍卖地中最大嘅一幅；信置近年喺内地投资亦大幅增加。
十年前亚洲金融风暴后，香港进入贫者愈贫、富者愈富嘅“二八年华”期（即20％人口富起来，80％人口贫穷咗）。富起来嘅港人自2003年起成为豪宅买家，佢地嘅要求系：一有大玻璃窗可望海景；二、保安措施一流；三、提供酒店式管理服务，例如健身室、泳池、会所、儿童休憩间，绿化面积起码占整个项目25％以上；四、居住面积1000尺或以上，例如三房一厅及有工人房，令呢批新贵足不出户可享受高品质生活。入住者主要系40岁至50岁嘅专业人士，包括医生、律师、企业高层管理人员及金融业从业员，即嗰D年薪喺100万元或以上者。上述豪宅售价喺1000万元左右最受欢迎，买家主力系嗰D喺过去十年富起来嘅港人。至于真正豪宅即几千万元以上，买家主要系内地新贵，内地唔少成功生意人身家以亿元计，花几千万元来港买间香港豪宅晒吓命过吓瘾也。
宽松信贷系投机源头
响一个资本主义社会，资本财（capital assets）除咗由可产生利润多少去决定价值外，喺一个利用负债去finance嘅环境下，资本财嘅价值往往亦由可再出售价值去决定依家嘅价值（即买嚟卖）。响咁嘅情况下，必定引发投机，不但买家心存投机，甚至提供贷款嘅银行家亦为咗资金出路问题而被迫投机。简单D讲，宽松信贷系引发投机嘅源头，例如1989年5月至97年8月嘅香港及2001年1月至今嘅中国内地，都系因资本财由可产生利润多少去评估价值，转为可再出售价值去决定依家嘅价值，引发投机行为。上述错失1980年代日本初犯，1990年代由香港及东南亚国家重演，21世纪轮到中国。金融市场不但冇从日本、香港及东亚市场失误中汲取教训，反而利用呢D经验去评估中国市场及内地投资者嘅心理，人人希望从经济泡沫中获利。
喺上述环境下，带来令人惊喜利润嘅投资必须符合三“R”（Right place，Right time，Right item）。分析大师Greg Guenthner教我地应以小本博大利，就系每次动用投资本金10％去博取一倍到十倍利润；由于只动用全部本金10％，即使损失惨重。亦只会令整个投资组合唔见5％，如博到一倍系整个组合获利10％。如博到十倍系整个投资组合获利100％。把自己嘅投资组合分成十份，每份都系小本博大利，然后严格遵守止蚀唔止赚。边一份蚀本？卖咗佢。边一份赚钱？留低佢。如十份投资每份都带来100％回报，你嘅总投资回报可达100％，如其中部分带来十倍回报，便更令人惊喜。但如十份投资每份都损失50％，学Guenthner话斋；“你咁蠢，我冇嘢可以教你”。因为每次只动用全部资金10％，所以你够胆博，成为股市中嘅跳跃者（jumper），唔系股市内嘅老头子。Guenthner教落，有60％把握便You jump，I jump！Guenthner又教我地做重炮手（gunner），即每次开炮前必先瞄准目标才打出第一炮，如第一炮打唔中便调校后再发第二炮；如第二炮仲系打唔中，你必须找掩护（因敌方已知你位置，开始向你炮轰）。重炮手唔打小项目，只打最重要嘅目标，每次瞄准嘅唔系嗰D只带来10％利润嘅股份，而系可带来100％利润或更高嘅项目。千万不可做机枪手，只会乱枪扫射，根本系浪费子弹。
学识做拣股重炮手
现今投资策略系：①、分散投资（但不要分得太散），每次只动用本金10％。②、做重炮手。开炮前必须瞄准、扣紧，然后一炮将对手消灭，如第一炮唔准便开第二炮。如第二炮仍失准便应撤退，不宜久留。唔好做机枪手，漫无目标地乱枪扫射。③、喺股市中采取攻势做一个jumper，而非采取守势（揸住D大蓝筹等运到）。学习玩“double or nothing”（由于每次只动用本金10％，即系有十次机会，如十次结果都系nothing，你嘅拣股策略一定有问题），对象唔系大价股亦非细价股，而系中价股。利用jumper加gunner策略，可用10万元喺五年内赚1200万元！请问过去五年有几多只二线股升幅一倍以上？喺五年内只要买中七次（每次本利和，10万元已可变成1；280万元！）。毕非德点发达？各位研究佢所持嘅
