曹仁超文集-第262部分
按键盘上方向键 ← 或 → 可快速上下翻页，按键盘上的 Enter 键可回到本书目录页，按键盘上方向键 ↑ 可回到本页顶部！
————未阅读完？加入书签已便下次继续阅读！
熊市系根据道氏理论，即牛市分三期、熊市分三期，呢个已系1900年前嘅理论，近代已被人一再质疑。现代经济咁复杂，股市系咪仲存在牛、熊市？大量国企来港上市后，本港股市对房地产依赖渐减，牛、熊市理论系咪仲有价值？过去35年我老曹研究移动平均线嘅经验系：A、牛市一期恒生指数唔会跌穿250天线。B、牛市二期恒生指数经常跌穿250天线，每次跌穿250天移动平均线不但唔系出货讯号，反而系入货讯号。C、只有响牛市三期恒生指数跌穿250天线，才系牛市死亡讯号。结合道氏理论如下：A、牛市一期P/E8至12倍时，恒指应唔会跌穿250天线。B、牛市二期P/E12到16倍，恒指跌穿250天线系入货讯号。C、牛市三期P/E响18到22倍，跌穿250天线才应小心。1997年8月同2000年3月恒指P/E都喺22倍以上，牛市三期十分明显。2003年4月恒指回升至今，未见P/E22倍以上（反之，国企指数已在22倍之上，国企股已进入牛市三期，即疯狂上升期，开始唱《夕阳之歌》）。后市展望，股市继续swings，投资策略系：你惊我唔惊，你唔惊我惊。
五时花六时变容易高追低沽
镬铲友与财经演员近期认为股市应大升，理由系中国政府宣布放宽资金自由行；一个星期后镬铲友同财经演员可能又认为股市应大跌，理由系美国次按危机恶化。如果你一如佢地咁五时花六时变，结果唔系高价追货就系贱价沽货（牛可以赚钱，熊可以赚钱，跑嚟跑去嘅猪被人屠宰）。如果你每天都分析嗰D无关重要嘅经济数据，便有如揸车之时注意每条街上行人嘅衣着系咪入时，最后唔撞车先怪。
毕非德嘅投资策略：一、买嗰D有竞争优势嘅公司，例如拥有一个品牌、一组良好管理人才，或别人不易取而代之嘅地位。二、买入嗰D市价仍未显示内在价值嘅公司（森池兄最叻揾呢类公司）。三、买入后股价如上升20％，便应长期持有。
失败投资者策略：一、听贴士买股票；二、五时花六时变；三、自己唔做功课。
最近收到一位忠实读者飞鸽传书（佢话只睇咗本栏一年），刚学晓止蚀唔止赚，结果响8月17日上午股市下跌中止蚀离场，点知8月17日下午股价一直上升，问我点解〃止蚀〃后有咁嘅收场？我老曹为之气结。上述系将复杂事情简单化嘅结果。我老曹一再强调，止蚀位嘅订立需要一定技巧，而非机械式，其中最大学问系股价与股市比较，即啤打系数（beta）。有D股份啤打系数低，即升市升得少、跌市亦跌得少；有D股份啤打系数高，例如细价股一般啤打系数系1。5（即股市如升10％，细价股升15％；如股市跌10％，细价股可跌15％）。
2003年4月至今过去唔少例子系恒指接近250天线或略穿250天线便跌完，响250天线附近入市系毋须用止蚀盘保护（除非50天线跌穿250天线）。
其次，入市前自己嘅概念系乜嘢？通常止蚀盘系喺股市大升之后才订下，而非股市大跌后才订，该读者犯咗〃半桶水〃嘅毛病。再次证明投资之道唔系三言两语便讲得明，真正成功嘅投资者非十年不为功，就当交学费罢啦。
有消息称中国银监会即将出台政策，要求商业银行将房供首付比例由依家最低30％提升到40％甚至50％，深圳、北京、杭州或广东嘅银行已行咗一步，将首付最低升至40％，又或者停办二手按揭贷款。国内好多城市已或明或暗开始收紧个人住房银贷，最终能否阻止内地住房价格进一步上升？美国房贷次按风暴最终会否吹到中国？根据〃温水煮蛙〃原理，边次才系压坏骆驼背脊嘅最后一根稻草？今天中资房地产股普遍下跌，例如中期纯利大跌嘅复地（2337），甚至中期纯利上升嘅雅居乐（3383）、实力地产（2777）、深控（604）、上海置地（1207）等都逃不了。睇嚟上述消息有一定可信性。
拉斯维加斯金沙集团将喺澳门机场附近兴建一个新码头，有10个泊位，来往香港同澳门、香港国际机场至澳门、深圳至澳门，以及其他珠江三角洲城市之间。10个新建渡轮码头分别喺今年10月至明年3月陆续投入营运，即今年10月起去澳门除咗原有旧码头外，将来有另一个新码头响澳门机场及亚洲最大博彩度假村附近。未来澳门赌场谁领风骚？将有一番恶斗。濠赌股又点睇？
中国2011年1月起全面禁止烟草广告及相关促销赞助活动，依家只在包装上印上〃吸烟有害〃起唔到作用也。
曹仁超
PDF原文：
原序号：320序号：
20
标题：
害人终害己
来源：
信报
发布日期：
2007…08…30
全文：
8月29日，周三。恒生指数跌343。16，收23020。6；成交1042。1亿多元。8月期指跌314点，收23000点；9月期指低水，跌309点，收22953点。
今天东方海外（316）除息，股价跌11％，见80。6元，系2002年8月以来最大跌幅；江西铜业（358）跌10％，见18。32元（过去7个交易天升72％，而半年纯利减少2。8％）；国航（753）升4。4％，见9。06元，因半年纯利上升三倍；国泰航空（293）跌5。4％，见20。25元，因美林建议沽出。数码通（315）升12％，见9。6元；中海油（883）跌3。9％，见8。87元，因半年纯利下跌15％。
沪深A股回落1。52％，见5171。82。
中证监警告企业纯利靠投资升值
股票市场又再meltdown。过去几天港人炒起红筹、国企股，以为内地资金会来港接火棒，结果可能系害人终害己，只为外国对冲基金提供获利机会。A股同H股嘅关系，一如我老曹1971年输咗5万大元之后才明白，美国大豆系唔同东京大豆嘅道理一样（虽然系同一类货品）。
日圆一度升穿114兑1美元，至今为止日圆兑美元已升值8％，分析家相信短期内重见112日圆，因为担心美国第四季经济可能衰退。日本7月份工业生产估计将回落，7月份CPI扣除食品、能源回落0。1％；日本经济再次陷入通缩，因此，9月18…19日日圆加息机会只有30％。
中国证监会提出警告，中国企业纯利过分依赖股票上升而非核心业务，一旦股市回落，将令唔少企业纯利亦受影响。大摩策略员计算今年上半年中国企业纯利平均上升76％，如扣除证券投资升值因素，纯利升幅只有41％。7月进入股市嘅资金十分庞大，因中国CPI上升5。6％，而存款利率只有3。6厘。上述环境下半年正逐步改变。
7月28日恒生指数过分抛离250天移动平均线，引发7月28日至8月17日调整后反弹，后市可能响19300至23700点之间上落，去纠正过去过分自信及过度杠杆嘅问题。
美国信贷泡沫因次按出问题而爆破，中央银行介入后短期提供资金，但中长期睇，信贷萎缩趋势无可避免。一个疲弱嘅物业市场最终必影响消费，呢方面要较长时间才显露出来。次按问题不但困扰2007年，同时困扰2008年，如美国楼价再回落10％，对70％美国家庭影响系点（因为佢地都系小业主）？呢方面港人较易理解，因为港人曾经历1997至2003年楼价回落65％嘅时期。美国回落幅度应该冇咁大，影响系点则木宰羊。
流动性唔系蚊年
格蛇认为流动性唔系蚊年（Liquidity is not money）。格蛇系啱嘅，流动性只系一个现象，主要由投资者信心产生，而非真正资金，即投资者愿承担较大风险而忽视危险嘅现象，而令交易品交投畅旺，令唔少人以为可随时套现；但当真正出现集体套现时，价格便会急跌，例如7月26日至8月17日嘅恒生指数。市场受次按影响，突然之间流动性减少而引发恐慌性抛售，完成一次buy high and sell low（散户喜欢高价追货、低价出货）。我老曹过去一再强调，成功投资者应该将99％感情移走。做人要有人情味，但投资要冇人性。7月26日至8月17日恒指急跌，理由系信贷流动性危机；8月28日起恒指再度下跌，系内地开放个人资金自由行宣传所产生嘅逆反效应（oxymoron），系A、H股差价被过分宣传所引发嘅反效果，一旦信心动摇，另一次抛售又开始。次按问题所引发嘅环球性流动性不足，虽然无法侵袭中国（因中国有外汇管制呢个保护网），却可随时攻击香港金融市场（本港冇外汇管制）。未来12到18个月环球金融市场仍面对次按问题逐步恶化。
香港金融市场自1997年8月开始，早已进入达尔文式状态（适者生存，弱者淘汰）；反之，内地金融市场仍处资本主义初阶（百花齐放）。创造中嘅破坏过去十年喺本港经济随处可见，嗰D弱者嘅命运好多时被连根拔起，例如扎铁工人，佢地担得起几十斤重嘅钢铁，却担唔起头家。此乃点解30岁前唔信共产主义嘅年轻人系冇理想，30岁后仲信共产主义嘅中年人系冇脑。共产主义主张〃人人为我，我为人人〃嘅乌托邦，系有理想年轻人向往嘅世界；但现实世界却系达尔文式，例如3％人口拥有整个社会50％财富，80％人口只能分享社会全部财富20％，如冇政府介入，整个社会生态系统必然发展成为贫富两极化（例如中世纪欧洲地主同农奴嘅关系），一如今天环保亦须政府介入道理一样。但政府扮演乜嘢角色？1933年美国总统罗斯福曾引入〃新经济政策〃，采用凯恩斯经济理论改革资本主义，引发一次繁荣期，后遗症系高通胀。1980年列根总统采纳供应学派佛利民嘅主张，利用货币政策刺激供应上升、压抑通胀，再引发另一次繁荣期。到2003年6月当美元利率跌至1厘后，系咪供应学派见顶之时？
1978年中国宣布改革开放政策，引入资本主义经营方式改革共产制度，然后系东欧、苏联变天，全盘接受西方资本主义制度。1995年印度亦放弃社会主义理想，采纳资本主义制度。21世纪系资本主义风行全球嘅日子，中国哲人嘅智慧系咪到咗〃亢龙有悔〃？环球投资者认为中国、印度、东欧、俄罗斯、南美洲兴起，最终将成为另一个日本或西欧，今时今日投资呢D市场可能买贵，但唔会买错。我老曹意见系，1967年香港经济进入30年繁荣期，但响唔适当时刻入市，例如1973年3月、1981年8月、1987年10月，眼前损失可以好大，呢类〃黑天鹅事件〃唔系极之稀少，而系经常出现。长期经济向上，唔代表短期经济冇调整，呢D短期调整（例如1973年3月至74年12月）亦可以致命。
估顶容易估底难
最近美国次按问题开始向全球蔓延，格蛇警告美国今年第四季有三分一机会出现衰退！过去贝南奇基于学者性格自然唔信（直到有数据出现为止）；8月17日联储局突然减贴现率半厘，代表后知后觉嘅贝南奇亦感觉事态严重。全球中央银行数以千亿美元计嘅资金注入金融市场，引发8月17日嘅反弹，令天真嘅分析员又响度高唱明天会更好。恒生指数更借用内地开放个人资金自由行嘅消息将之无限夸大，响国企、红筹股带动下，8月28日恒指更创新高。金融市场系咪雨过天晴，抑或酝酿紧另一场更大嘅暴风雨？我老曹非先知，旺市莫估顶、淡市莫估底。凭38年投资经验知道，估顶容易估底难，请带上你嘅钢盔，同时行骑楼底揸多把雨伞（安全第一）。国企、红筹股今年上半年业绩好到你唔信，但今年下半年又点？明年上半年又如何？股市冇过去，只有将来，应否好消息出货？钢铁大王嘅成功投资策略系，当工厂订单如雪片飞来，公司决定兴建多几间炼钢厂，然后叫经纪抛清手上嘅钢铁股，认真冇人性也！
8月份美国消费信心指数105（7月份112。6），引发美股周二又大幅回落。9月15日美元会否减息？
根据联邦公开市场委员会8月7日会议纪录，当天有关成员已开始担心金融市场情况，并同意要采取政策以免信贷情况影响经济增长，但成员唔同意减联邦基金利率，因为通胀继续令人担心。10天后联储局宣布减贴现率至5。75厘。但联邦基金利率唔变。至于9月18日联储局态度会否改变？
周二美国二线零售股Cost Plus股价成5元（几个月前系10元）、Pier l成6元（几个月前成9元）、Sharper lmage成4元（几个月前成12元）。美国零售股价大幅回落，到底反映乜嘢？地产股如P。R。 Horton、Lennar Centex、Pulte Homes全部跌幅超过3％，美国房地产几乎病入膏肓。7月份美国二手楼价销售出现连续第5个月下跌，系过去5年最差嘅月份。第二季二手楼价较1年前回落3。2％，系近20年内跌幅最大嘅一季（上述包括20个最大城市，只有3个城市上升，就系沙罗特升6。8％、波特兰升4
