曹仁超文集-第130部分
按键盘上方向键 ← 或 → 可快速上下翻页，按键盘上的 Enter 键可回到本书目录页，按键盘上方向键 ↑ 可回到本页顶部！
————未阅读完？加入书签已便下次继续阅读！
对冲基金赌加元贬值
南韩政府为减少韩园升值嘅压力（去年上升8。6％），放宽韩国人到海外购买物业；2005年南韩海外投资只占GDP 4。6％（日本占8。5％、台湾占28。1％、美国占16。4％）。
今年对冲基金投入八十五亿加元，赌加元贬值。上周加元跌至十三个月内低点，理由系7月至今油价跌咗33％。1月9日止投资者购入八万四千九百零六张合约，赌加元进一步贬值；加元由去年5月31日至今回落6％，见85。44美仙（去年5月见二十八年内高价91。44美仙）。外汇分析员继续睇淡加元，雷曼兄弟年底睇1。2至1。25加元兑1美元；美林睇今年9月见1。2加元、12月1。25加元；大摩睇年底见1。2加元兑1美元。加国央行喺1月16日商讨利率，家吓系四厘二五，唔知系咪调升呢？
CRB商品指数去年5月至今回落22％【图】，咁大嘅跌幅。自1974年至今只出现过七次。每一次CRB商品指数跌幅超过20％，第二年全球经济都出现明显放缓、衰退甚至金融危机，今年又如何？油价回落到五十二美元水平出现反弹，未来油价会重返七十美元抑或下跌至四十美元？OPEC去年尾已减产，但未能阻止油价跌穿六十美元；2月1日再减产，能否阻止油价晌今年内跌穿五十美元？依家石油产量已超过需求约二百五十一万桶一天，估计明年产量大于需求四百万桶（假设今年及明年每年需求上升1。8％）。如要维持油价，OPEC减产幅度要较2001年更大先至掂。
油价见40美元机会较大
值得注意嘅系，沙地AFK油田今年第三季或第四季开始投产，日产五十万桶；如沙地实行减产，即所有沙地油井必须以75％使用率操作先得（因OPEC其他成员减产幅度有限）。换言之，油价由五十二美元完成反弹后，今年底见四十美元嘅机会大于见七十美元，到时真系需要中国增加战略石油储备去支持油价矣！油价下跌，令今年部分行业出现萎缩、部分行业出现井喷，投资市场出现大换马。
1月14日凌晨中国成品油价下调，每公升降一角九分人民币。此乃国际原油价格由七十八美元下降至五十一点八美元及今年1月1日起中国开放国内原油、成品油批发经营权及建立国内外油价互动机制后，消费者首次享受到油价下跌嘅好处。
去年汽车降价。令大批汽车经销商退出市场。去年全国汽车经销商出现〃三三三格局〃（三分一获利、三分一亏损、三分一苦苦支撑）。汽车代理喺2002及03年卖一辆车，可赚几千元甚至一万元；到去年卖一辆车，只能赚两、三百元！车愈卖愈多，但利润愈来愈少，估计今年及明年全国有一半以上汽车经销商将退出市场！依家全国汽车厂都增产，汽车业早已进入供过于求，从有关部门披露嘅数据睇，全行业产能过剩达二百万辆！去年12月26日国家发改委首次将汽车工业列入产能过剩行业。产能过剩嘅压力首先落喺经销商头上，今年将出现大量汽车代理退出潮。
国家发改委研究院认为，中国消费去年出现近十年来最强劲嘅增长势头。但所占GDP比重却由1991年48。8％降至去年嘅38。2％，并担心今年消费所占GDP比重进一步回落！报告指出，学童保育费1998至2002年上升112。1％，医疗保健仍以每年超过10％嘅速度上升，但消费商品有70％供过于求，有一项消费商品供不应求。上述矛盾喺今年进一步加剧！消费不足问题并有改善反而恶化。
从幼稚园到大学毕业，标准学制为十九年。2002年一项调查证明，所需教育经费共十三万零五百五十一元，其中国家占四万五千零七十八元，占34。5％；社会投入五千六百八十九元，占4。4％；家庭收入七万九千七百八十四元，占61。1％。升幅最大系大学经费，过去二十年升幅较居民收入升幅大十倍，一个家庭平均要花几万元供一个子女读大学，自然令储蓄率大升及消费率不前。
1978年改革开放初期，内地人新年见面只祝对方身体健康；今年内地人见面劈头第一句便问：〃今天你揸嘅股票升咗几多？〃周末证券公司营业部举行嘅股评分析会十分火爆，新股民恶补炒股经。专家提醒投资者保持冷静，但有D新股民唔会错过任何一场股评会，到场人数比几年前多咗足足几倍。2005年新增股票开户数为一百二十四万零五百户；去年新增股民三百零五万零三百户；沪深两地股民人数达七千八百四十四万户！踏入2007年，一家证券公司每天新开户都有十几人。自从去年股市大涨130。4％后，许多以前把钱存放喺红簿仔嘅老百姓都加入炒股队伍。一家中学校长投诉，学校内几个刚参加工作嘅年轻老师依家都迷上炒股，工作时间经常打电话问行情，迟到早退常有，教员办公室内电脑早已下载股市行情软件，成日挂住睇行情而唔理学生功课。内地股市之〃盛况〃，可见一斑。
去年虽然内地A股指数上升130％，但获利达130％嘅投资者只有5％，有30％冇钱赚，其中更有2％损失超过50％。内地〃赚咗指数蚀咗钱〃嘅股民唔少； 佢地似乎仍未学晓拣股唔炒市，唔少人更因此改买基金。去年至12月25日止，成立满一年嘅股票基金只有一百六十八只，平均升值103。31％，意味大部分都跑输大市；收益超过103％嘅只有八十只，即一半以上收益低于100％。上述回报率并唔合理，毕非德每年投资回报率平均唔超过25％，呢D一朝暴富嘅现象可维持几耐？内地股民或者亦一如过去几十年香港投资者一样，〃Learn their lessons the hard way〃！
国营垄断企业多欠缺竞争力
今年内地股市面对大型国企回归A股，迟早改变A股市场供求嘅状况，重返股价反映公司业绩而非供求时代。嗰DP/E同国际同类股份严重脱轨者，股价重返合理水平只系时间问题（一如1997年前嘅窗口股、2000年嘅TMT股）
内地企业有一个缺点，依家嘅大企业都系国营垄断行业，如金融、航空、石化、石油公司等，即佢地一开始已经系大企业，而非外国企业从小做大。呢D大企业面对市场全面开放、失去垄断地位后，竞争力会点？日本过去由政府扶助嘅大企业以及南韩由政府养大嘅现代集团例子，会否喺内地大型国企身上发生？
另一种系由乡镇企业开始，由职工集体拥有。其中最佳例子系家电，由于生产成本便宜，加上职工上下一心，好快便走上替代进口产品之路，然后占据国内市场，成为家电行业嘅龙头股，当走出去同外国产品正面竞争，跟住就系一路下跌甚至破产收场。情况点解会变成咁？原因系呢D乡镇企业嘅竞争优势只系生产成本便宜，内地市场消费者对产品质素要求唔高，价格优势令呢D家电产品迅速取得市场；一旦走出国，外国消费者对价格并唔敏感，反而对产品质素要求好高，仲关乎对品牌嘅信任程度。上述两项都系乡镇企业所缺乏，走出国外之时仲走廉价倾销之路，结果焦头烂额，例子多得很。今天中国家电开始向韩国三星电子学习，利用科研建立品牌，再唔系一味同人地斗平斗贱。希望未来内地家电股有翻身嘅日子。
内地石化企业规模较外国细，技术水平又唔及外国，去年12月11日起面对外国石化工厂产品竞争，赢面有几大？内地石油企业过去一直垄断市场，去年12月11日面对市场閞放，1月14日只轻微降低成品油零售价，能否面对外国石油公司无情嘅竞争？其实，内地石油市场嘅战争仲未开始。
航空公司亦面对市场开放。嗰D国企航空公司，仍然郁D就误点，而且迟两三个小时系家常便饭，情况有如未开放英国市场时嘅BOAC。面对市场开放，喺激烈竞争下，BOAC改组为BA，大大改善误点情况而生存下来。今天上海航空已开始抢走东方航空（670）嘅生意，国泰航空（293）收购港龙航空后亦加入竞争，仲有嚟自全世界嘅航空公司；东方航空及南方航空（1055）却出现高层人员贪污事件。
家吓油价下跌、人民币升值所带来嘅好景，到底可以维持几耐？过去喺垄断方式经营下嘅国企，又系咪间间都系BOAC？咁就要放长双眼睇吓嘞。
抛空制度收窄长期波幅
点解H股要回归A股市场？就系因为A股非理性地偏高，大家都知道维持咁嘅日子唔长，趁住好价返内地〃圈钱〃。仲有内地A股市场仍未建立健全嘅抛空制度，亦令股市发展极易进入一面倒情况。有咗抛空制度，可令股市短期波幅扩大、长期波幅收窄，减少股价走向两个极端。依家A股上升理由只系蚊年多、好嘅投资项目少，形成泡沫后，走唔出Boom & Bust框框。
去年8月起工商银行、中国银行等A股一路引导H股上升…。上周四内地工商银行A股见六元七角九仙，以去年估计纯利计，P/E高达五十六点五八倍，市价系账面值四点九六倍。中国人寿A股上市后，P/E更创下二百五十倍高位。国内A股两极化（本港股市亦一样），部分内地A股股价较本港H股高50％以上，但亦有唔少A股长期以来偏低。高盛喺〃2007年前景〃展望中估计，今年A股仍可上升25％，理由系奥运概念同企业所得税合并。
人民币汇价追贴美元，响美元弱势下，产生泡沫难以避免，最先系房地产，去年起系股市。参考日本及德国喺二次世界大战后嘅情况，中国贸易顺差未来可超过二万亿美元一年。以2003年中国人均工资一万四千零四十元（约一千七百零八美元），平均每年上升10％；2003年美国工资每小时十七点七五美元，每年上升3％，两者差距要一百年才消失。因此，人民币必须加快上升，去消除中国工人与美国工人嘅工资差距（例如1971年起日圆同欧罗升值，拉近日本、德国人收入同美国人嘅收入差距）；或者一如香港地价由1984至97年上升，至大幅高出美国为止。
虽然过去几年中国城市地价惊人上升，但同美国城市地价平均五百美元一平方米比较，两者相差仍达三倍。中国从劳动力、土地、汇价等各方面睇，中美两地劳工成本差距喺未来二十年唔会消失。从DECD国家对中国产业转移嘅保守估计，响2030年前唔会停止，即中国由1978年开始改革开放政策，令未来十五年（或以上）中国喺外贸上仍占优势。
内地股市相信已出现泡沫。香港由1967至97年过去三十年，分别喺1973、81、87、93年出现泡沫，到1997年后香港优势用尽，最后才回落，上述情况亦将喺中国出现。未来二十多年中国响经济上将保持优势，但楼市及股市泡沐形成后爆破，再形成再爆破并唔出奇（如人民币未来二十五年缓慢升值嘅话）。2005年7月以来人民币兑美元开始升值，但对出口并冇多大影响，未来亦一样，比较上受压力系低技术含量行业如纺织服装业、家电行业，其他行业所受影响有限。
中国林大（910）、意马国际（585）、优能数码（8116）、联侨集团控股（8047）、丰盛创意（8136）停牌。
曹仁超
PDF原文：
原序号：158序号：
8
标题：
上海当铺生意大旺
来源：
信报
发布日期：
2007…01…17
全文：
1月16日，周二。恒生指数跌40。61，收20027。95；成交五百零三忆九千三百多万元。1月期指回落14点，收20046点。中海油（883）跌1。7％，报六元七角六仙；中石油（857）跌1。4％，报九元八角二仙；国泰航空（293）跌2。4％，报二十元三角五仙，被花旗降低评级。新华社引述南方航空（1055）董事长刘绍勇嘅讲话，去年南方航空已恢复获利。创兴银行（1111）否认进行任何被收购谈判。
《纽约时报》报道，高盛改变GSCI指数成分比重，主要系能源所占比重下降50％，睇嚟会对能源股有压力。根据Bernstein Research报道，过去十二个月钻探石油嘅钻井增加64％，而过去二十四个月钻探石油嘅钻井增加194％，今年新增嘅钻井约有一百六十个，未来原油供应量肯定进一步上升。
北京满城尽带黄金甲
油价由去年8月七十八美元一桶，回落到今年1月五十二美元，跌幅约34％【图】，再唔系类似2001年开始上升期中嘅调整，每次幅度都喺20…30％左右。石油牛市系咪已响去年8月结束？油价跌穿四十七美元嘅话才可确认。值得注意嘅系，全球有超过九千只对冲基金，唔少都喺油市场有仓位，佢地睇好睇淡，都会喺油市期货引起短期大波动。相信油价喺五十美元左右有一番争持，虽然油价由去年8月回落，但可以肯定“低价能源时代”早已结束，中国已将资源性产品价格改革嘅着力点放喺电力、水、石油、�
